26. maí 2020
 





















Notandi

Lykilorð


[ Gleymt lykilorð ]

Höfundar:
A B C D E F G H I J K L M N O P Q R S T U V W X Y Z Æ Þ Ö

©Notendur ljóð.is
Að gera hreint

í dag skulum við dusta rykið af
draumum okkar og fægja
hugsjónir okkar svo þær glansi
Í kvöld skulum við fella grímurnar okkar
leggja þær í bleyti og
bera hreinsikrem á það sem undir er
í nótt skulum við skrúbba saurugar hugsanir okkar upp úr
vidissóda og þurrka af
sjálfsmyndinni með rökum klút
í fyrramálið skulum við
teygja á smásálum okkar og
hengja þær til þerris á snúrunum
bak við raunveruleikann.
en fyrst af öllu skulum við hreinsa
hjartasár okkar með spriti






Ljóð eftir Kristínu G Kúld

Ljúfsárt
Að gera hreint
Þögn
Þú
salt í sárin
ósk
Draumur
Elskan
Hann var allt
Í nótt


[ Til baka í leit ]