24. september 2021
 





















Notandi

Lykilorð


[ Gleymt lykilorð ]

Höfundar:
A B C D E F G H I J K L M N O P Q R S T U V W X Y Z Æ Þ Ö

©Notendur ljóð.is
LANDSKEPPNIN

Vala í fjöru velkist og sporin mást í báru.
Það skvettist við klett og froðan flýtur.
Smáfugl hraðar sér á sláttu og hverfur.
Tístandi og flautandi syngur lífinu lof.
Slæður á tindi renna í hlíð við kletta.
Fífa í mýri við hverja kviðu undrast.
Fossinn talar þungri röddu í klettum.
Niðandi lækurinn segir mildar sögur.
Mosafeldur klæðir nibbur og klungur.
Mjúk er áferðin í regnúðanum silfruðum.
Spegill í dalbotni málar mynd hæðanna.
Hvítar doppur gára spegilinn og myndina.
-
Á ég að vera þar?

Gul og rauð er slikja máluð af borg við fjöllin.
Vélstrompar dæla slikjunni með kumri.
Svart í svart og hvít strikin sem blikka.
Hávært suðið berst inn um næstu glugga.
Þroskaðir sílóávextir sveiflast í kranaskógi.
Inn renna, hjá renna, frá renna málmdósir.
Hviss, hviss, dunk, dunk og brumm brumm.
Skref fyrir skref og fet fyrir fet færast verur,
inn í manngerða klettana, skrautmálaða.
Rafglóð við fingurgómana, við eyrun, heilann
við kynfærin á körlum stundum konum.
Sem blýið var rómverjum, svo sturlast fólkið.
-
Á ég að vilja vera þar?

Ég er einn í mínum eigin heimi og þar eru þeir,
hnútar andstæðnanna, hnútar náttúru og ónáttúru.
Spurningar mínar eru sverð á hnútana óleysanlegu.
Er ótti minn ástæðulaus? Verður spurn mín hnútaleysir?
Náttúran og ónáttúran takast á, í einskonar keppni.
Sérstæður verðlaunagripurinn er afhentur í lokin!
Vil ég hlusta á þjóðsönginn þann með hönd á hjarta?
Verður það kannski komið í lófa minn titrandi?
Spurningum er best að svara fyrir lokadagsetningu!
Þannig er það á öllum umbúðum og framleiðsluvörum,
Svo er einnig hjá mér, það má sjá skrifað á bakvið eyrað.
Hvað eru margir með það á bakvið eyrað eins og ég?
-
Sennilega verð ég þar hvort sem ég vil eða ekki.






Ljóð eftir Ásgeir Beinteinsson

LÍFIÐ
STJÓRNMÁLAMENN
TILGANGURINN
ÞROSKINN (2004-12-30)
SKÓLASTJÓRINN
VORIÐ Í REYKJAVÍK (2005-06-05)
NORÐURLJÓSIN (2006-10-10)
MAÐURINN Á HJÓLINU
ÞJÓÐHÁTÍÐARDAGURINN 17. JÚNÍ 2002
FYRIR INGU (2004-12-16)
TIL KONU
GRASAGARÐURINN Í KAUPMANNAHÖFN
NÚTÍMINN
GEGNSÝNI
UPPALANDINN
Unglingurinn (2005-01-14)
RITAÐAR HUGSANIR
GUÐ ER TIL (2005-09-06)
FIMMGANGUR (2005-01-31)
SPURNINGAR
STYTTAN
ÞUNGLYNDI
LÍFIÐ, TÍMINN OG ALDURINN
PÓLITÍKUSINN
PRÓFIÐ
TÍMINN VIÐ UPPELDISSTÖRF
BLÓMIN Í GARÐINUM
ÞAR SEM VEGUR FINNUR VOG (2005-04-18)
DÆMALAUS
JÓLALJÓS
PASSA AÐ LJÓSMYNDIR
68
VIÐ
LAUGAÐUR
ÓHEPPNA BARNIÐ
MANNLEGT EÐLI
Jólin 2004
JÓLIN 2005
LJÓÐRÆNAN Í MÉR
MAÐURINN
LANDSKEPPNIN
MERKIN MERKILEGU
HAMINGJAN (2006-02-03)
LÁTA AÐRA GUÐI Í FRIÐI (2007-11-30)
SUMARBLÓÐ


[ Til baka í leit ]