16. september 2021
 





















Notandi

Lykilorð


[ Gleymt lykilorð ]

Höfundar:
A B C D E F G H I J K L M N O P Q R S T U V W X Y Z Æ Þ Ö

©Notendur ljóð.is
Einmana sál í Pétursborg

Hvert liggur leið þín um bæinn í síðri kápu með hatt?
Hvað rekur þig áfram með hrópum og köllum
á ímyndað fólk og farartæki, götuna á enda?
Á leið til myrkrafjalla, á svörtum bomsum.

Hver er það sem fylgir og leiðir þig um,
hulinn öðrum en gleður og kætir þitt geð?
Aldrei til enda ferðinni lýkur, allt er svo dökkt
og fólk víkur úr vegi og leið þín verður bein og greið.

Meðan á ferðinni stendur þú fjasar við allt og alla,
leitar að vængbrotnum fuglum og hlúir þeim að,
brosir til himins og þakkar þá náð sem dagurinn gaf,
misskilin ertu og mannfólkið tilsegir þig.

Undir hönd sinni laganna verðir þig leiða, burt frá öllu
sem gladdi þann dag sem frelsið þér færði.
Við tekur einsemdin, myrkrið og sú svarta veröld
er enginn skilur nema þú og sá sem þér samferða er.



Mópeis
1955 -



Ljóð eftir Mópeis

Í Leníngrad 1974
Gönguferð (fyrir löngu)
Köld nótt við Pollinn
Allt heimsins vanþakklæti. (Hugleiðing um löngu liðið og farið)
Ungur ég var (2008-04-24)
Afródíta
Kirkjugarðar í Luxemburg
Minning úr Álftafirði
Álka
Mynd að vestan
Jónas frá Hriflu (2008-04-23)
Einmana sál í Pétursborg
Gömul ljósmynd
Kannski - ekki?
Á móti honum
Pelagia
Seltjarnarnespassía
Á krossgötum (2008-08-14)
Undir regnbogafána


[ Til baka í leit ]