24. júní 2017
 





















Notandi

Lykilorð


[ Gleymt lykilorð ]

Höfundar:
A B C D E F G H I J K L M N O P Q R S T U V W X Y Z Æ Þ Ö

©Notendur ljóð.is
Kvótablús taka tvö

Þegar lýsti af degi hafði vindurinn færst í aukana
svo gaf á bátinn sem kominn var á miðin einskipa
til að draga dár að kvótakerfi fiskifræðinganna

og karlarnir komnir á dekk að stíga krappa ölduna
við skyldur á hafi og við hvinin í spilinu
sem másandi dró bunkuð kraftaverkanetin
af dýrum leigukvótaþorskum
upp af straumhörðum karganum

svo greiddu þeir úr þann gula og bölvuðu í leiðinni
sjávarútvegsráðherranum
fyrir að trúa fiskifræðiruglinu í landkröbbunum

hann ætti að vera hér í dag helvískur og sjá með eigin augum
að það er alveg sama hvar trossunum er hent
allstaðar er fiskur á djúpu sem grunnu
og nánast býður þess að fá að festast í möskvunum

því ætt´ann að afleggja kerfið sem ekkert hefur af sér gefið
annað en einn allsherjar kvótablús og sunginn hefur verið tregablandinn af kvótalausum landsbyggðarmönnum
án þess að ná eyrum laglausra ráðherra í þingsölum
sagði vélstjórinn og blóðgaði sveittur stórþorskana
enda viss´ann sem var að þrátt fyrir mokið þá væri hluturinn lítill

því auðurinn væri þeirra sem seldu og leigðu kvótann
svo væru þeir líka hættir að míga í saltan sjó
en farnir að braska með gróðann á þurru landi

og svo stæði í stjórnarskránni fyrir þann sem lesa vill
að þjóðin já þú og ég ættum fiskinn í sjónum.





Ort á sjómannamáli, með það í huga, að sannleikurinn sé sagna bestur.


Ljóð eftir Janus Hafstein

Þvílíkur dagur
Haustlauf (2007-07-12)
Endurkoma (2006-12-10)
Uppgjör daganna (2004-04-29)
Eftirmáli (2004-05-24)
Kvótablús (2003-12-16)
Skipið (2006-09-25)
Trú (2004-07-22)
Gamall vinur (2008-02-03)
Á sama tíma (2005-02-03)
Á vordögum (2002-05-29)
Fríða frá
Þagnar ljóð (2003-05-07)
Eina ástin (2007-09-12)
á bryggjunni (2008-06-01)
Nálaraugað
Vetrarsólstöður (2007-09-05)
Stafalogn (2004-08-06)
Úreldir
Að lifa (2007-06-14)
Að fæðast (2006-12-19)
Þunglyndi (2005-02-23)
Efinn
Meira en veðurspá (2006-12-01)
Steinarr í maga úlfsins (2006-12-26)
Vorboði
Jafnvægi (2008-01-19)
Lænur himins (2007-09-24)
Máttvana
Faðmlag (2008-05-29)
Að sigla (2008-01-08)
Vinur
Ljóð vegur mig (2008-05-27)
Kvótablús taka tvö
innistæðulaus orð
Dagatal
Sólarlandasæla (2009-09-02)
Í kvöld er ég glaður
Undir sænginni
Ísland í dag (2009-08-06)
Konu eins og þig (2009-12-15)
Örlög (2009-11-27)
Raunasaga
Aflaklóin
STAM (2012-04-06)


[ Til baka í leit ]