18. nóvember 2019
 





















Notandi

Lykilorð


[ Gleymt lykilorð ]

Höfundar:
A B C D E F G H I J K L M N O P Q R S T U V W X Y Z Æ Þ Ö

©Notendur ljóð.is
Úlfaldinn

Hækkar nú sól
lengir þá daga.
Vorvindar hlýjir svo gróðurinn laga.
Bráir af birki,
ilmur þess laðar.
Förum í frí til hins himneska staðar.
Rennum í Reykjahlíð,
frítt föruneytið.
Setjum upp tjaldið um kvöldmatarleitið.
Opnaður bjórinn,
blandað í flöskur.
Skundað í hlöðu með troðfullar töskur.
Þar má sjá rokkbönd,
má sjá trúbadora.
Jafnvel einn rappara á sviði spígspora.
Í syngjandi sælu
svo röltum í rjóðrið.
Heyrum í gítar og göngum á hljóðið.
Spjöllum og syngjum
dönsum við bálið.
Dönsum uns sólin rís í fyrramálið.
Skakklöppumst lúin
þá aftur í tjaldið.
Annað kvöld, vinur minn, verður framhaldið.




Úlfaldinn (Úlfaldi úr Mýflugu) er tónleikahátíð sem haldin er á hverju sumri í þorpinu Reykjahlíð í Mývatnssveit.


Ljóð eftir Fanneyju Hólmfríði

Ástfanginn
Dagdraumar Íslendings
Öldurót
Veðra hamur
Ástin er terroristi
Dregur fyrir sólu
Norðurhugar
Álfahryllingur
Svefnbæn
Ölvunar andlegi friður
Jarðarvorið (2010-02-09)
Hellisbúinn
Emelía
Frjádagsins fagurgyllta fylling
Sturtusálmur
Bréf til Ritgerðar
Úlfaldinn
Situr við glugga sál


[ Til baka í leit ]