17. september 2019
 





















Notandi

Lykilorð


[ Gleymt lykilorð ]

Höfundar:
A B C D E F G H I J K L M N O P Q R S T U V W X Y Z Æ Þ Ö

©Notendur ljóð.is
Fjallganga

Blikar á lóni, bjart er nú til fjalla,
bræðir nú sólin kaldan jökulskalla.
Þýtur í lofti þíður sunnanvindur,
þverhníptur gnæfir brattur fjallatindur.

Framundan hlykkjast götuslóði gróinn,
grámosinn lágvaxinn breiðir sig um móinn.
Niður með kletti lækjarspræna líður,
leiðin er ströng sem göngumannsins bíður.

Göngumannsins freista fjöllin há
er frelsisins í náttúrunni leitar.
Hann vill ætíð hæsta tindi ná
hugdjarfur klífur þverhnípt björgin blá,
blik í augum, afl er í taugum.

Viðlag:
Sæl eru þau hjörtu er sigri ná
og svala í náttúrunni innri þrá.

Blikar á lóni, bjart er nú til fjalla,
bræðir nú sólin kaldan jökulskalla.
Þýtur í lofti þíður sunnanvindur,
þverhníptur gnæfir brattur fjallatindur.




Úr bókinni Imbra. Hörpuútgáfan, 2002. Allur réttur áskilinn höfundi.


Ljóð eftir Hákon Aðalsteinsson

Ákall (2008-06-10)
Laugar í Reykjadal (2008-02-07)
Fjallganga (2002-12-15)


[ Til baka í leit ]