20. júlí 2018
 





















Notandi

Lykilorð


[ Gleymt lykilorð ]

Höfundar:
A B C D E F G H I J K L M N O P Q R S T U V W X Y Z Æ Þ Ö

©Notendur ljóð.is
Fótsterk

hvað hún hefur verið fótsterk
formóðir þeirra úr víkinni
hamhleypa
með ómegð í pilsum
stökkvandi yfir skörð og heiðar
vor og haust
að afla fanga
og þraukaði svo langan vetur í myrkri og snjó

hvað hún hefur verið fótsterk

fann það þegar ég stóð lafmóð í Uxaskarði í sumar
og horfði yfir víkina
umkringda háum fjöllum
fann hvað hún hlaut að hafa verið glöð
daginn sem hún kom heim úr kaupstað
og sá úr skarðinu hvíta fláka í túni
lúðuflök úr sjó
og flaug heim í bæ
án þess að finna fyrir strengjum
vissi að hvergi annars staðar átti hún heima

allt var þetta fyrir tíma þolfimi og teygjuæfinga





Úr bókinni Næturfæðing. Eigin útgáfa höfundar, 2002. Allur réttur áskilinn höfundi.


Ljóð eftir Sigrúnu Björnsdóttur

Í nýja hörpustrengi (2002-12-17)
Glersjór (2003-02-19)
Fótsterk (2007-09-25)
Fyrir fugl (2007-06-20)
Bæn (2007-09-07)
Flugdraumur (2007-09-21)


[ Til baka í leit ]