26. maí 2019
 





















Notandi

Lykilorð


[ Gleymt lykilorð ]

Höfundar:
A B C D E F G H I J K L M N O P Q R S T U V W X Y Z Æ Þ Ö

©Notendur ljóð.is
Villingur


Við vorum villingar
þú með spýtu og ég í gúmmístígvélum
bæði með úfinn hnakka
illa upp alinn

stungum okkur inn um glugga
þræddum myrkrið
ókunn hús
undarlega kjallara

hjörtun á fullu í brjóstunum
klístraður brjóstsykur
sætar raddir

svo 1977, 1978,1979, 1980, 81, 82, 83, 84, 85 og þú fórst að elska mig
horfa á mig
biðja mig um að brenna þig
sleikja sárin
skilja þig ekki eftir
en auðvitað skildi ég þig eftir og öllum þessum árum síðar...

hætti ekki að hugsa um þig
augun þín
tunguna þína
hendina þína að stinga sér undir gallabuxnastrenginn
heitann lófann
þögnina
okkur að stinga af
brjótast inn
aftur í löggubílum
úfið hárið
hitakompuna
og
tárin sem flæddu í augun þín þegar ég sagði “ég get þetta ekki”
og fór







Ljóð eftir Margréti Hugrúnu

Ljóð á ensku
National Geographic (2003-08-14)
Ekki snerta mig
Dónaljóð (2007-05-02)
Betur Beta
Sálfarir
Góður dagur
Draumarnir rætast (2004-01-27)
Síðla dags í bakgarði árið 1981
Villingur (2004-02-20)
Snjókorn Kl 00:47 (2008-02-18)
Lýsingar
Íslenska
Glassúr
Fyrsta konan (2006-02-01)
Tilfinningaríki trésmiðurinn
Reykjavíkurhöfn
Dropi
Duft (2007-09-18)
Kóngurinn, tími til að rokka.


[ Til baka í leit ]