22. október 2019
 





















Notandi

Lykilorð


[ Gleymt lykilorð ]

Höfundar:
A B C D E F G H I J K L M N O P Q R S T U V W X Y Z Æ Þ Ö

©Notendur ljóð.is
ÖGNIN

Ég er lítil ögn sem langar að vera korn
á lágri strönd við bláan djúpan sjó.
Njóta þess að næstum vera ei neitt
og nýta hverja stund í friði og ró.

Ég er lítið korn sem langar að vera steinn
á lækjarbakka í grænum fjalladal.
Og dreyma meðan döggin baðar mig
daga og nætur við einfalt blómahjal.

Ég er lítill steinn sem langar að vera bjarg
á leiðinni sem gengur margur enn.
Sjást í fjarska setja víða um jörð
svip er þekkja allir förumenn.

Ég er lítið bjarg sem langar að vera fjall
úr leirnum rísa og gnæfa yfir sand.
Í blámóðu ég birtist öllum sýn
og ber við himin hvert sem ferð á land.

Ég er lítil ögn sem langar að vera korn
á lágri strönd við bláan djúpan sjó.
Njóta þess að næstum vera ei neitt
og nýta hverja stund í friði og ró.




Samið 2001.


Ljóð eftir Ólínu Gunnlaugsdóttur

GAMLA KONAN (2003-07-29)
SUMARÁST
VOR
HÚS (2003-11-15)
BÍDDU MÍN Í GARÐINUM
VEGGURINN
GLEÐI
ÖGNIN
KELLINGIN
SAGAN Í HLEININNI
FÍFUKOLLLUR
FRELSI
KVÍÐI
Una
Við
Gættu þín
Bæbæ
JÓLASTJARNAN
SYSTURNAR ÞRJÁR


[ Til baka í leit ]