23. apríl 2017
 





















Notandi

Lykilorð


[ Gleymt lykilorð ]

Höfundar:
A B C D E F G H I J K L M N O P Q R S T U V W X Y Z Æ Þ Ö

©Notendur ljóð.is
Einkamál

Ég leiður var á konunni og lamaður á sál,
er leið ég fann til huggunar, í dálk um einkamál.
Þar kona var að óska eftir kæruleysis stund,
með karlmanni og fljótt hún vildi hafa þennan fund.

Nú auðvitað ég svaraði og síminn hringdi skjótt,
í símanum var rödd sem mælti "Hittu mig í nótt"
Ó - röddin var svo loðin - svo liggileg og mjúk,
hún lét mig alveg finna að hún væri í mig sjúk.

Ég skal gjarnan leiða þig um lífsins paradís,
og leyfa þér að njóta þess að ég er vanadís.
Ég ferðast um á svaka flottum sendiferðabíl,
sérstaklega hentugum í ástarleikjapríl.

Svo nefndi hún mér stund og stað og spenningurinn jókst,
að standast kvöldsins löngu bið, naumlega mér tókst.
Er eiginkonan yfirgaf mig draumaheiminn í,
ég orkuhlaðinn hélt á vit, ævintýra á ný.

Inni í bílnum beið hún mín, við brugðum strax á leik,
í banastuði fljóðið var sem lyfti mér á kreik.
Á eftir er hún kveikti ljós, mér æðislega brá,
og endastakk mér út úr bílnum - Tengdamömmu frá.

[1989]






Ljóð eftir Selmu Hrönn Maríudóttur

Einkamál (2008-10-14)
Einn í húmi nætur
Daðrað í dalnum
Húsafell
Limra (2004-04-13)
Til hamingju (2008-06-21)
Hugleiðing
Á þjóðhátíð fer ég
Við bergsins bjarma


[ Til baka í leit ]