26. september 2017
 





















Notandi

Lykilorð


[ Gleymt lykilorð ]

Höfundar:
A B C D E F G H I J K L M N O P Q R S T U V W X Y Z Æ Þ Ö

©Notendur ljóð.is
 
Fréttir

Rokna afmælisljóðakvöld ljóð.is

- fjögurra ára afmælisljóðaveisla á Café Rósenberg, 16. nóvember kl. 20:00


Merkisdagurinn 16. nóvember er ekki bara fæðingardagur Jónasar Hallgrímssonar og hátíðlegur Dagur íslenskrar tungu. 16. nóvember er líka (og fyrst og fremst) afmælisdagur ljóð.is. Þetta árið erum við fjögurra ára gömul og viljum fagna því með ærlegu ljóðapartíi.

 

Afmælisdagskráin fer fram á Café Rósenberg, Lækjargötu, og hefst kl. 20:00.

 

Eftirtalin ljóðskáld lesa upp úr verkum sínum:

 

Bragi Ólafsson

Halldóra Kristín Thoroddsen

Haukur Ingvarsson

Henrik Garcia

Hildur Lilliendahl

Hörður Dan

Óttar Martin Norðfjörð

Toshiki Toma

Þórunn Valdimarsdóttir

 

Skúli Þórðarson, trúbador, mun brjóta upp hátíðleikann með eitruðum lögum sínum og dagskránni ljúka svo tveir framúrstefnulegir menn með verkefni sem þeir kalla Ljóðarímixkaríókí Dadda. Þar býðst öllum viðstöddum að láta tölvuforrit framleiða fyrir sig ljóð eftir kúnstarinnar reglum.

 

Sem sagt - safaríkt ljóðakvöld í tilefni stórafmælis. Allir velkomnir á meðan húsrými leyfir og afmælisblöðrur vel þegnar.