20. september 2017
 





















Notandi

Lykilorð


[ Gleymt lykilorð ]

Höfundar:
A B C D E F G H I J K L M N O P Q R S T U V W X Y Z Æ Þ Ö

©Notendur ljóð.is
 
Umsagnir

Vandkvæði eftir Stein K.


Djúp ljóð af hefðbundnum toga.


Í bókinni notast höfundur við margvísleg ljóðaform frá Sonnettum yfir í meira hefðbundnari ferskeytlur þó stundum sé ekki dýrt kveðið. Það má finna í ljóðunum goðsögu- og trúarleg stef eða minni sem kannski eiga að endurspegla afstöðu höfundar gagnvart nútímanum líkt og kemur fram í ljóðinu ?Sonnetta?:
... Með rányrkjuvélum þeir ráðast á náttúruna, refnum þeir slakta og grilla við Skaftárelda, dreypa á rauðspritti og ropa í fimmundartón. Álpappír vefja þeir einustu kartöfluna, álfkonu úr hólnum með særingum fá þeir hrellda. Brosandi lækna þann lama með ampútasjón. (bls. 23)
Ljóðin eru einnig full af glettni sem höfundur notar óspart til að hæðast að hinum mannlega veruleika. Ennfremur má sjá að afstaða ljóð- mælanda er oftar en ekki afar gagnrýnin á þá sem ekki skilja hlutverk ljóðmælanda sem skáld. Má segja í þessu verði ljóðmælandinn að spekingi og ljóðin þ.a.l. að einskonar viskudropum eða jafnvel sem aðvörun fyrir lesendur, líkt og ljóðinu ?Á milli?:
... Passið ykkur að detta ekki niðrí djúpið og drukkna oní mínum stærsta hyl. Nei, haldið ykkur fast og höfði drúpið. Nei, hættið ekki á það að finna til. (bls. 31)
Bókin er skreytt myndum eftir höfund þó erfitt hafi verið, í mörgum tilvikum, að finna bein tengsl á milli myndskreytingar og innihalds tiltekins ljóðs. Ekki að slík tengsl þurfi endilega að vera til staðar. Þó ljóst sé að eitthvað hefði mátt vinna lengur í bókinni má finna margar góða spretti líkt og ljóðinu ?Hlé?:
Er langan veg þú lagt hafðir að baki og lást og hvíldir bak við feyskið tré sem örskot, eins og valur vængjum blaki, leið vitund þín í draumalandsins hlé. (bls. 13)
Bókin er 40. bls. og útgefandi er höfundur


Hver er það sem gefur umsögn:

Höskuldur Kári, 2003.