21. júlí 2017
 





















Notandi

Lykilorð


[ Gleymt lykilorð ]

Höfundar:
A B C D E F G H I J K L M N O P Q R S T U V W X Y Z Æ Þ Ö

©Notendur ljóð.is
 
Umsagnir

Ást og appelsínur eftir Þórdísi Björnsdóttur


Barnsleg gróteska og íronía - mjög góð ljóðabók sem vekur fólk og kallar fram margar tilfinningar.


 

Það er kalt og dimmt


en þú ert hjá mér


og það er gott


ljósið mitt í myrkrinu


næstum alveg eins


fólk gæti jafnvel haldið


að við værum tvíburar


en við skulum samt frekar


vera par


það er betra


því ég er mjög skotin í þér


þú veist

 

Á þessu ljóði hefst bók Þórdísar Björnsdóttir, Ást og appelsínur. Í bókinni ávarpar ljóðmælandi ástmann sinn og gefur lesandanum sýn inn í furðulegt sambandið þeirra á milli. Ljóðin eru mjög grótesk og íronísk:

 

...


Ástin


Skerðu mig á hol


Eins og engillinn


Afskræmdur


Blóðugur


Dauður


...

 

Ljóðin eru barnsleg á köflum og með sakleysislegu sjónarhorni er hryllingurinn í ljóðunum gerður eðlilegur, náttúrulegur, sjálfsagður. Lesandinn dofnar fyrir sífellt ógnvænlegri myndum sem Þórdís dregur upp. Gott dæmi um þetta er næstsíðasta ljóð bókarinnar, Hausaveiðarinn sem er einkar óhugnanlegt.

 

Myndmálið er mjög gróteskt, það er mikið um blóð, einnig myrkur, lík og þögn. Dauðamyndin kemur endurtekið fyrir, það er sterkt í gegnum alla bókina og þá sérstaklega í lok hvers kafla. Er þá annaðhvort elskhuginn eða sambandið dautt. Til að vega upp á móti drungalegu myndmáli þá kemur sakleysislega sjónarhornið, ástin og náttúran sem fegra sambandið. Hún vill samsama sig elskhuganum, tvíburaminnið er algengt og hún samsamar sig við þann sem hún ávarpar. Vill tengjast honum að eilífu og gerir það með tvíburaminninu, sbr. fyrsta ljóðið í bókinni (sjá hér að ofan).

 

Ljóðabókin er barátta milli dauðans og lífs, dauðamyndin er áberandi og á móti kemur ástin í lifanda lífi þeirra sem á að vara að eilífu. Bókin endar á jafntefli þeirra, hún endar á dauða en ástin lifir. Ég vil enda þessa umfjöllun mína með broti af síðasta ljóðinu í bókinni, Ópið:


...


En síðan eitt kvöldið


einhvern veginn


og án þess að ég hafi hugmynd


af hverju


hrinti ég honum útaf svölum


á sjöundu hæð


og horfði á hann hrapa


með galopin augu


og afskræmdan hræðslusvip


á  andlitinu


...


En sumir dagar voru samt þannig


að mig langaði mest


eil að horfa á þig drepast


 


sumir dagar voru bara þannig...

 

Ást og appelsínur er mjög góð ljóðabók sem vekur fólk og kallar fram margar tilfinningar í senn. Hún lætur engan ósnortinn og mæli ég með að sem flestir kynni sér hana.



Hver er það sem gefur umsögn:

Tinna Mjöll Karlsdóttir, 2004