25. júlí 2021
 





















Notandi

Lykilorð


[ Gleymt lykilorð ]

Höfundar:
A B C D E F G H I J K L M N O P Q R S T U V W X Y Z Æ Þ Ö

©Notendur ljóð.is
Þögn



Draum einn mig dreymdi eina óveðursnótt

Um dimman og drungalega stað

Mara mér birtist, mér varð ekki rótt

Drunur og skjálfti en allt síðan hljótt

Já maran hún sagði mér það



Í norðri er fólk undir snjónum þunga

Kalið og lífslöngun farin

Það getur ei andað með köldu lunga

Þau umvafin eru í myrkri og drunga

Börnin svo líflaus og marin



Barnið svo kalt og líkaminn blár

Líflaust það liggur í dalnum

Móðir þess leitar, í augunum tár

Líkami barnsins svo kaldur og smár

Brátt liggja þau bæði í valnum



Sólin ei kemur og enginn veit neitt

Fólk undir snjónum er grafið

Einangrað í ísnum, það er ekki heitt

Dauðinn hann kominn, þykir það leitt

Fólkið er dáið og farið



Daginn þar eftir var tilkynnt um lát

Ískaldur gekk þar með korðann

Dauðinn, hann gerði þar skák og mát

Börnin svo lífsglöð verða aldrei kát

Í litlum bæ fyrir norðan



Melkorka
1984 -



Ljóð eftir Melkorku

Sorg
lonely
Losti
Þögn


[ Til baka í leit ]